Maqedonia dhe Serbia me pikë të përbashkët doganore në Preshevë (video)

Projekti u promovua nga Kryeministri i Maqedonisë, Zoran Zaev dhe presidenti serb, Aleksander Vuçiq. Kontrolli i këtillë do të filloj nga viti 2019 dhe do të jetë i pari i kësaj natyre në Ballkan, ndërsa është financuar nga Banka Botërore. Zaev dhe Vuçiq deklaruan se detajet për pikë të përbashkët doganore do të theksohen pas nënshkrimit të akteve mes dy Qeverive, Doganave të dyja vendeve dhe Ministrive të Brendshme.

Është me rëndësi të veçantë për qytetarët e dyja vendeve ky projekt i përbashkët. Rëndësi të veçantë do të ketë edhe për kompanitë. Pika e përbashkët e kontrollit do të lehtësojë lëvizjet e mallrave dhe qytetarëve tanë do t’ua evitojë pritjet e gjata nëpër kontrollet doganore -tha Aleksander Vuçiq, President i Serbisë.

Jemi krenar se Maqedonia do ta gëzojë një pikë të tillë doganore për një kontroll. Kemi nderin që këtë koncept ta hapim së pari me shtetin fqinjë më produktiv siç është Serbia. Projekti nënkupton që në një vend, në të njëjtën kohë dhe në një objekt, me një kontroll të mund qytetarët mallrat ti doganojnë dhe paraqesin duke e përgjysmuar kohën e pritjes – deklaroi Zoran Zaev, Kryeministër i Maqedonisë.