Lokale
Procesi zgjedhor po shkon mirë dhe pa incidente në Luginë
Kryetari i Partisë Demokratike Shqiptare në Luginën e Preshevës, Riza Halimi, ka thënë për Radio Evropa e Lirë se procesi zgjedhor është duke shkuar mirë dhe se nuk ka pasur incidente në Luginën e Preshevës. Ai ka thënë se përkundër kërkesave të disa partive politike shqiptare në Luginë, që shqiptarët të mos marrin pjesë në zgjedhjet e Serbisë, ato po zhvillohen normalisht dhe në to po votojnë shqiptarët.
“Ende nuk ka ndonjë vlerësim nga grupi i punës në Preshevë, por do të shohim. Në krahasim me zgjedhjet e kaluara, nuk po shohim ndonjë dallim të madh. Deri në fund të ditës pritet të shkojë mbi 40 për qind dalja e votuesve në zgjedhje”, ka thënë Halimi.
“Ma merr mendja se efektin më të madh e kishte edhe deklarata e djeshme e kryeministrit të Kosovës, i cili në mënyrë shumë të qartë dha një përkrahje shumë të qartë për pjesëmarrje aktive të shqiptarëve në procese demokratike dhe në zgjedhjet e sotme në Serbi. Dhe, dalja sot është mbi parashikimet e mia personale që i kam pasur në fillim të kësaj fushate”, ka shtuar më tej ai.
Mund ti tregoni shoqërisë për këtë artikull!
