Presheva prezanton në Beograd problemin e ujit të pijshëm

Sinani gjatë takimit triorësh në hapsirat e UNDP-së, pati rastin të informojë dhe të bashkëbisedojë rreth nevojave urgjente për sigurimin e ujit të pijshëm në tërë komunën e Preshevës.

Ajo shpalosi mundësitë e Preshevës për burimet e reja të ujit duke theksuar se uji është problem shumëvjeçar i qytetarëve të komunës së Preshevës.

"Përveç zotimit për zgjidhjen e problemit me ujin e pijshëm, të gjithë pjesmarrësit u dakorduan të bashkëpunojnë dhe ndihmojnë komunën e Preshevës duke mbështetur përmes donacioneve të ndryshme projektet me rëndësi jetike për qytetarët dhe komunën e Preshevës", thuhet në njoftimin zyrtar të komunës./Titulli.com/