Bujanoc: Botohet monografia shkencore "Trafikimi me organe njerëzore si formë e krimit të organizuar" nga autori, Fejzi Beqiri
Pas një pune disa vjeçare shkencore, në Prishtinë u botua monografia shkencore "Trafikimi me organe njerëzore si formë e krimit të organizuar", të autorit profesor dhe doktori ishkencave juridike, Fejzi Beqiri nga komuna e Bujanocit.
"Kjo monografi i referohet analizës së trafikimit me organe njerëzore si formë e krimit të organizuar, në aspektin social, juridik, kriminologjik, politik, me qëllim të shpjegimit shkencor të kësaj dukurie negative dhe të rrezikshme shoqërore. Nga ky këndvështrim, studimi është fokusuar në zgjidhjet ligjore krahasuese të vendeve fqinje", ka shkruar autori Beqiri.
Ai ka shprehur falënderim për angazhimin, sugjerimet dhe vërejtjet prë recensentët Prof.Dr. Sc. Mirvete Zogjani-Uka dhe Prof. Asoc.Dr. Safet Krasniqi.
Reecensentja Prof.Dr. Sc. Mirvete Zogjani-Uka ka folur për librin e e autorit.
"Trafikimi me organe njerëzore si formë e krimit të organizuar”, është libër me interes jo vetëm për studentët e drejtësisë por edhe për prokurorë, gjyqtarë e avokat. Prof.dr. Fejzi Beqiri ju falemnderit për besimin e dhënë. Kam punuar me kënaqësi, e mezi pres ta kem në duar librin, tash si lexuese", ka shkruar Uka.
Autori, Fejzi Beqiri është kryeshef për arsim pranë administratës komunale në Bujanoc dhe i angazhuar profesionalisht në Universitetin "Kadri Zeka" në Gjilan,
