Ambasadori Davenport flet për mungesën e teksteve mësimore në Luginë dhe diplomat e Kosovës
Lokale

Ambasadori Davenport flet për mungesën e teksteve mësimore në Luginë dhe diplomat e Kosovës

29.Sep.2015 12:22
0
Deputetët popullorë Riza Halimi dhe Shaip Kamberi kanë dërguar letër ambasadave të huaja në Beograd lidhur me mungesën e teksteve mësimore për nxënësit shqiptarë në Serbi dhe mosnjohjen e diplomave reciproke universitare të Kosovës.

Ata përmes kësaj letre kanë kërkuar që të zgjidhen këto probleme nëse do të ketë vullnet të mirë politik në Ministrinë e Arsimit të Serbisë duke u bazuar në shembujt e praktikës pozitive në të kaluarën, shkruan Titulli.com.

“Në këtë situatë të mungesës drastike të teksteve mësimore në gjuhën shqipe, nxënësit Shqiptarë nuk po munden ta realizojnë parimin kushtetues për “mundësitë e barabarta” dhe në këtë mënyrë ata janë në pozitë të pabarabartë me moshatarët e tyre në mjediset tjera”, thuhet në letrën e dërguar korit diplomatik në Beograd.

Ndërsa shefi i delegacionit të Bashkimit Evropian në Serbi, Majkëll Davenport ju ka përgjigjur kërkesës së deputetëve shqiptarë në parlamentin e Serbisë duke thënë se Bashkimi Evropian i jep rëndësi të veçantë respektimit të plotë të të drejtave të njeriut dhe të pakicave, e cila është një pjesë integrale e Kapitullit 23 në negociatat e pranimit të Serbisë me BE-në, transmeton Titulli.com

Davenport ka sugjeruar që të inkurajohet Këshilli Kombëtar Shqiptar të miratojë një qasje bashkëpunuese për këto problematika me Ministrinë e Arsimit të Serbisë.

 

 

Letra e dërguar ambasadave të huaj në Beograd

 

Të nderuar,

 

Shkollat me mësim në gjuhën shqipe edhe në këtë vit shkollor po ballafaqohen me mungesën drastike të teksteve mësimore.

Nxënësit e shkollave fillore nuk janë të furnizuar me tekste dhe doracak mësimor për pjesën më të madhe të lëndëve mësimore. Ndërsa në shkollat e mesme nxënësit nuk kanë asnjë tekst mësimor adekuat në gjuhën shqipe.

Dinamika e deritanishme e zgjidhjes së kësaj problematike shumë të ndieshme tregon se do të nevojitet edhe më tepër se një decenie për t’i siguruar tekstet mësimore për nxënësit Shqiptarë në Luginë të Preshevës.

Në këtë situatë të mungesës drastike të teksteve mësimore në gjuhën shqipe, nxënësit Shqiptarë nuk po munden ta realizojnë parimin kushtetues për “mundësitë e barabarta” dhe në këtë mënyrë ata janë në pozitë të pabarabartë me moshatarët e tyre në mjediset tjera.

Në të kaluarën shkollat me mësim në gjuhën shqipe janë furnizuar me tekste mësimore të botuara në Prishtinë. Kjo praktikë ishte ndërprerë në vitin 1991, mirëpo në periudhën 2003 – 2007 me vendime të posaçme të ministrave të arsimit lejohej përdorimi i shumicës së teksteve mësimore nga Kosova.

Pas shpalljes së pavarësisë së Kosovës përsëri u ndalua përdorimi i teksteve të Prishtinës.

Ky problem i rëndë, që në rradhë të parë ka natyrë humanitare mund të zgjidhet nëse do të ketë vullnet të mirë politik në ministrinë e arsimit të Serbisë duke u bazuar në shembujt e praktikës pozitive në të kaluarën.

Në këtë drejtim, duke e pasur parasysh gadishmërinë e qeverisë së Kosovës që me donacion adekuat të sigurojë tekste të mjaftueshme për të gjithë nxënësit e shkollave fillore me mësim në gjuhën shqipe në Preshevë, Bujanoc e Medvegjë, do të bëhej hap shumë i rëndësishëm në zgjidhjen e kësaj çështjeje, po të sillej vendim i veçantë i ministrit të arsimit në Beograd për përdorimin e këtyre teksteve mësimore.

Me këtë rast po e paraqesim edhe shqetësimin tonë lidhur me moszbatimin e marrëveshjes së Brukselit për njohjen reciproke të diplomave universitare. Edhe përskaj të nënshkrimit të kësaj marrëveshje të rinjtë Shqiptarë nga Lugina e Preshevës të diplomuar në universitetet e Kosovës nuk kanë mundësi t’i zhvillojnë procedurat për nostrifikimin e diplomave të tyre në Serbi. Zgjidhjen e këtij problemi të rëndësishëm e kemi kërkuar nga ministria e arsimit të Serbisë, mirëpo deri më tani nuk është ndërmarrë asnjë hap konkret.

Për këtë arsye është e domosdoshme të ndërmerren masa përkatëse për realizimin e kësaj marrëveshje të Brukselit, që sa më shpejtë të mundësohet njohja e diplomave të Kosovës në Serbi. 

 

Me rrespekt,            

Deputetët popullorë

Riza HALIMI dhe Shaip KAMBERI

Preshevë, Bujanoc

09.09.2015

 

--------------------------------------------------------------------------------------------------------------------------------------------------------

 

Letra e Ambsadorit Majkëll Davenport (adresuar kërkesës së deputetëve shqiptarë)

 

Të nderuar Zotërinj, 


Ju faleminderit për letrën tuaj të datës 9 shtator në të cilën ju shprehni  shqetësime në lidhje me disponueshmërinë e teksteve shkollore në gjuhën shqipe dhe njohjen  e diplomave.
Në lidhje me arsimin në gjuhën shqipe,  Bashkimi Evropian i jep rëndësi të veçantë respektimit të plotë të të drejtave të njeriut dhe të pakicave, e cila është një pjesë integrale e Kapitullit 23, në negociatat e pranimit të Serbisë me BE-në. 

Legjislacioni i Serbisë parashikon një rol të rëndësishëm për këshillat e pakicave kombëtare në procedurën për miratimin e teksteve në gjuhët e pakicave. Prandaj unë sugjeroj që ju mund të inkurajoni Këshillin e pakicës kombëtare shqiptare të miratojë një qasje bashkëpunuese për këtë me Misnistrin e Arsimit. 

Ndërsa nuk ka asnjë të veçantë në lidhje me atë se si duhet të sigurohen tekstet në gjuhët e pakicave kombëtare nga ana jonë, ne do të vazhdojnë të ndjekim një procedurë më efikase për miratimin e teksteve. 

Në lidhje me njohjen e diplomave të arsimit të lartë, ne jemi të vetëdijshëm për problemet që lidhen me zbatimin e marrëveshjes mes Beogradit dhe Prishtinës.            

Disa pengesa janë hasur me të vërtetë në zbatimin praktik të procesit të njohjes së diplomave në fazën e parë të projektit i cili ka përfunduar. Trajtimi i këtyre dhe çështjeve  të tjera kërkon dialog të mëtejshëm mes dy palëve. Unë për këtë arsye jam  i kënaqur, që një takim i grupit punues  ka qenë i caktuar përkohësisht të mbahet në Bruksel më 21-22 shtator.

         

I juaji sinqerisht,

                                                                                                                         

Michael Davenport                       

Ambasadori dhe shef i delegacionit të Bashkimit Evropian në Serbi

 

Shqiptarët në Serbi po tkurren në aspektin demografik, social e territorial
Policia e shtatë shteteve në kufirin Preshevë-Tabanoc, kërkojnë trafikantët e refugjatëve
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration