Policia e shtatë shteteve në kufirin Preshevë-Tabanoc, kërkojnë trafikantët e refugjatëve
Në kalimet kufitare në mes të Serbisë dhe Maqedonisë, Preshevë-Tabanoc po vazhdon zbatimin aksionin ndërkombëtar policor, i cili do të zgjasë deri më 7 tetor, për zbulimin e trafikimit të qenieve njerëzore.Me policët nga Serbia, në aksionin “Koshtana 2015” po marrin pjesë edhe 18 policë nga Austria, Sllovenia, Shqipëria, Maqedonia, Bosnja dhe Hercegovina, Mali i Zi si dhe Europol-it, është thënë sot në Departamentin e Policisë në Vranjë, raporton Titulli.com.
“Aksioni i policisë ‘Koshtana 2015’ nuk është e fokusuar në emigrantët, por në parandalimin e krimit dhe veprimet kriminale përmes së cilave fitohen para të mëdha nga migrimi dhe refugjatët. Ekziston edhe rreziku i sigurisë, pasi gjatë migrimit përveç refugjatë, kemi migrantë klasik ekonomik, por edhe kriminel dhe terroristë”, ka thënë drejtori i Zyrës së Qendrës së Gjenevës për siguri, zhvillim dhe shtetin e së drejtës (DCAF) në Lubjanë, Anton Travner, në konferencën e mbajtur për gazetarë në Vranjë.
Në operacion është përfshirë policia e shtatë shteteve në kuadër të bashkëpunimit ndërkufitar në bazë të marrëveshjes që ministrat e policive të vendeve pjesëmarrëse e kanë nënshkruar në vitin 2012-të.
Përfaqësuesi i Europol-it, Rajner Shpengler ka thënë se Europol pret që policët e vendeve pjesëmarrëse në aksion do të rrisin shkëmbimin e informacioneve në mënyrë që vijnë tek gjurmët për të shuar bandat kriminale që trafikojnë emigrantët.
“Ne si agjenci policore nuk jemi të fokusuar tek emigrantët, por në luftimin e krimit të organizuar”, ka thënë Rainer.
Aksioni i përbashkët i policisë së shtatë shteteve është organizuar në pjesën e “kufirit të gjelbër” Serbi – Maqedoni, tek kalimi kufitar Preshevë-Tabanoc, ku refugjatët nga Lindja e Mesme përmes Maqedonisë hyjnë në Serbi. /Titulli.com/
