Foto nga Facebook: Nenad Mitroviq.

Mitroviq nga Trupi Koordinues: Njerëzit pyesin si të punësojnë familjarët e tyre

Ushtruesi i detyrës së drejtorit të shërbimit të Trupit Koordinues të Qeverisë së Republikës së Serbisë për komunat Preshevë, Bujanoc dhe Medvegjë, Nenan Mitroviq ka shkruar se qytetarët pyesin si të punësojnë familjarët e tyre.

"Njerëzit duan të punojnë dhe shpesh pyesin për punësimin e anëtarëve të familjes. Por, ata janë të shqetësuar edhe nga problemet infrastrukturore, ndaj vijnë edhe me kërkesa për asfaltim", ka thënë Mitroviq në tekstin e publikuar në institucionin që drejton.

Mitroviq është shprehur se ka edhe nga ata që nuk kanë informacion se si t'i zgjidhin problemet e tyre shëndetësore, andaj duan të kontrollohen në qendra më të mëdha klinike.

"Për Shërbimin tonë nuk ka probleme të vogla apo gjëra të parëndësishme, çdo qytetar është i rëndësishëm për ne dhe ne përpiqemi t'i ndihmojmë njerëzit brenda mundësive tona",  thotë Nenad Mitroviq, transmeton Titulli.com.