Kryetari i Preshevës, Arifi thirrje Qeverisë së Kosovës: Me Amerikë nuk ka lojë
Lokale

Kryetari i Preshevës, Arifi thirrje Qeverisë së Kosovës: Me Amerikë nuk ka lojë

31.May.2023 09:52
0

Kryetari i Preshevës, Shqiprim Arifi, i ka bërë thirrje Qeverisë së Kosovës të “mos i rrezikojë raportet me Shtetet e Bashkuara të Amerikës”. 

Një ditë më parë, SHBA-ja njoftoi se ka vendosur ta sanksionojë Kosovën për insistimin e Qeverisë për t’i vendosur kryetarët e komunave në veri në ndërtesat komunale, për çka ka nxitur trazira nga serbët lokalë. Vendimi i parë ishte për ta përjashtuar Kosovën nga stërvitja e madhe ushtarake “Defender Europe 2023”, ka bërë të ditur ambasadori amerikan, Jeffrey Hovenier.

Teksa ka dënuar dhunën nga bandat serbe në veri, Arifi i ka bërë thirrje Qeverisë së Kosovës të mos rrezikojë raportet me SHBA-në, duke thënë se “me Amerikë s’ka lojë”.

“Është e rëndësishme dhe jetike që të kemi një Republikë të Kosovës, e cila ka një sovranitet të shtrirë në gjithë territorin e saj, por kjo arrihet vetëm me sinkronizim dhe koordinim me aleatët dhe miqtë tanë ndërkombëtarë, sidomos me Shtetet e Bashkuara të Amerikës. Interesi kombëtar shqiptar vihet në rrezik nëse acarohen marrëdhëniet e Qeverisë së Kosovës me Shtetet e Bashkuara të Amerikës dhe BE-në. Ftojmë Qeverinë e Kosovës që me përkushtimin më të thellë të ruajë marrëdhëniet e ndërtuara me dekada me miqtë tanë ndërkombëtarë. Popullizmi dhe ideologjia farsë sjellin përkohësisht ndoshta vota, ndërsa pason me rrënimin e vlerave dhe parimeve demokratike. Pra me një fjalë: me Amerikë s’ka lojë”, ka deklaruar ai në një video të postuar në Facebook.

Musliu: Jemi për vullnetin e popullit si në Veri të Kosovës por edhe në Lindje të Kosovës, demarkim të kufirit
Schmidt: S’mund të ketë luftë mes serbëve dhe shqiptarëve
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration