Lule të vendosura para shkollës në Beograd ku ndodhën të shtënat masive. 6 maj 2023.
Vdes një vajzë që u plagos gjatë të shtënave në shkollën në Beograd
Në Klinikën e Fëmijëve në Tirshova të Beogradit, një vajzë që ishte plagosur gjatë sulmit me armë zjarri në shkollën fillore “Vlladisllav Ribnikar”, ka vdekur.
Lajmin e ka konfirmuar Ministria e Shëndetësisë për televizionin publik serb.
Vajza kishte pësuar lëndime serioze gjatë të shtënave masive që ndodhën më 3 maj në shkollën në Beograd.
Tetë nxënës dhe roja e sigurimit u vranë gjatë sulmit me armë zjarri, që u krye nga një djalë 13 vjeç.
Qeveria serbe njofton për ashpërsimin e masave për posedimin e armëve
Me vdekjen e nxënëses që ishte e hospitalizuar, numri i viktimave nga ky rast arrin në dhjetë.
