Gjatë një kontrolle që iu bë veturës së tyre Audi u zbulua koka e një rrufepritëse radioaktiv te goma rezervë e bagazhit, thanë doganat serbe. 

Incidenti ndodhi në pikën kufitare Bezdan, pranë qytetit Sombor të shtunën në orën 20:30. 

Nuk ka asnjë detaj për sasinë e materialit radioaktiv të përfshirë apo ndikimin e tij të mundshëm, por punëtorët në pikën kufitare janë urdhëruar të hedhin rrobat e tyre dhe t'i nënshtrohen kontrolleve mjekësore si masë paraprake, raportojnë mediat serbe. 

Ekspertët nga instituti serb i kërkimit bërthamor “Vinca” thuhet se kanë zhvendosur kokën e rrufepritësit në një vend më të sigurt.

Qindra mijëra rrufepritës radioaktivë u instaluan në të gjithë botën gjatë dekadave të fundit, sipas Agjencisë Ndërkombëtare të Energjisë Atomike (IAEA), me besimin se ato rrisin mundësinë e goditjeve nga rrufeja duke goditur shufrat dhe jo objektivat e afërta.

Në një raport të vitit të kaluar, IAEA tha se "asnjë provë shkencore bindëse nuk është prodhuar për të demonstruar efikasitet të shtuar" dhe shumë vende kishin vendosur të ndalonin prodhimin e këtyre pajisjeve. Disa kanë filluar të heqin burimet radioaktive nga rrufepritësit që tashmë janë instaluar.

Megjithatë, raporti sugjeroi se shumica e shufrave ishin instaluar më shumë se 50 vjet më parë, kur standardet e sigurisë bërthamore nuk ishin futur.