Lokale
PD: Të premten formojmë qeverisjen lokale në Bujanoc (video)
Partia Demokratike në Bujanoc ka njoftuar opinionin e komunës së Bujanocit se ka arritur të sigurojë numrin e mjaftueshëm të këshilltarëve për formimin e qeverisjes lokale në komunën e Bujanocit.
Nagip Arifi gjatë një konference për gazetarë ka deklaruar se është arritur marrëveshje me Grupin e qytetarëve- Stojança Arsiq dhe me Partinë Demokratike Serbe për konstituimin e kuvendin komunal të Bujanocit.
Sipas Arifit 60% e pushtetit lokal do të qeveriset nga shqiptarët dhe postet kryesore të cilat do do t’i udhëheq Partia Demokratike janë , kryetari I komunës, kryetari i kuvendit, sekretari i kuvendit, kryeshefi i administratës.
Arifi shpjegoi edhe përbërjen e këshillit komunal të Bujanocit, dhe sipas tij 7 anëtarë do t’i ketë Partia Demokratike, 2 anëtarë GQ “Stojança Arsiq dhe Partia Demokratike Serbe do të përfaqësohet me 2 anëtarë.
Stojança Arsiq, këshilltari më i vjetër i kuvendit komunal në Bujanoc ka caktuar seancën konstituive për ditën e Premte me fillim prej orës 10:00.
“Unë si këshilltari më i vjetër kam caktuar seancën për të premten më 8 qershor, dhe është në përputhshmëri me të gjitha ligjet ekzistuese zgjedhore, çdo kush pas këtij afati që e thirr seancën konstituive, përveç meje, është jo legjitime dhe në kundërshtim me ligjet”, ka thënë Arsiq.
Partia Demokratike e Nagip Arifit së bashku me koalicionin do të numërojë 21 këshilltarë në kuvendin komunal në Bujanoc. Ndërsa sipas tij koalicioni do të zgjerohet edhe me inkuadrimin disa partive tjera shqiptare./Titulli.com/
http://www.youtube.com/watch?v=ZoMNx-rDeRw
Mund ti tregoni shoqërisë për këtë artikull!
