Lokale
Bujanoc: Pas 15 viteve i rikthehet punës fabrika e "Gumoplastikës"
Falë ndihmës së ndarë nga Qeveria e Serbisë nëpërmjet Trupit Koordinues, sot ka rifilluar punimet fabrika për prodhimin e gomës dhe plastikës “Gumoplastika”
Gjigantit të dikurshëm të ish Jugosllavisë i janë dashur 19.7 milionë dinarë që të riaktivizohet ndërsa në rifillimin e serishëm të punës ka kontribuar edhe administrata komunale në Bujanoc e cila ka kërkuar aktivizimin e ndërmarrjeve shoqërore.
Kryetari i Trupit Koordinues Zoran Stankoviq gjatë qëndrimit në fabrikën e sapo aktivizuar ka thënë se për qëllim ka fillimin e punës në këtë fabrikë e cila ka 50 punëtorë, raporton Titulli.
Ndërsa ustruesi i detyrës së drejtorit të “Gumoplastikës” Nenad Ristiq ishte i kënaqur me fillimin e punës duke shpresuar në një të ardhme të mirë për punëtorët dhe fabrikën.
I kënaqur me fillimin e punës së fabrikës së gumoplastikës, koordinatori i Zyrës për Zhvillim Lokal në Bujanoc, Nexhat Behluli, deklaroi se ky është një sinjal se në komunën e Bujanocit ka filluar të bëhet zgjidhja e problemeve ekonomike, duke shtuar se ky është vetëm fillimi.
“Gumoplastika” në kohët e saj të arta numëronte rreth 460 punëtor. Në riaktivizimin e saj janë angazhuar 50 punëtorë, mirëpo në një të ardhme ky numër pritet të rritet./Titulli.com/
Mund ti tregoni shoqërisë për këtë artikull!
