Lajçaku pas takimit në Bruksel për Luginën: Diskutuam të drejtat e njeriut dhe të pakicave

I dërguari special i Bashkimit Evropian për dialogun Kosovë-Serbi, Miroslav Lajçak, ka pritur në takim deputetin shqiptar të Parlamentit të Serbisë, Shaip Kamberin dhe  kryetarin e Këshillit Kombëtar Shqiptar, Nevzad Lutfiu me bashkëpuntorë.

Lajçak theksoi se me Kamberin ka diskutuar për të drejtatat e njeriut dhe të pakicave, të cilat sipas tij, janë kyçe për procesin e integrimit evropian.

“Si pjesë e ndërveprimeve të mia të rregullta me Ballkanin Perëndimor, pata një takim të dobishëm me Shaip Kamberin në Bruksel. Diskutuam tema të rëndësishme, duke përfshirë të drejtat e njeriut dhe të pakicave, të cilat janë çështje kyçe në procesin e integrimit evropian”, shkroi Lajçak në platformën X.