Kryeministri Kurti organizon pritje për 28 Nëntorin në Prishtinë (video)
Rajoni dhe Politika

Kryeministri Kurti organizon pritje për 28 Nëntorin në Prishtinë (video)

29.Nov.2022 07:31
0

Për nder të shënimit të 110-vjetorit të Pavarësisë së Shqipërisë, në Prishtinë, kryeministri i Kosovës, Albin Kurti ka organizuar një pritje. Kryeministri Kurti tha se festa e 28 nëntori është festë e shumëfishtë dhe me kuptim të shumëfishtë e kombit shqiptar. 

“28 Nëntori është data e ardhjes së Skënderbeut në Krujë me flamurin e kuq e shkabën e zezë dy krenare në mes, 28 Nëntori është data e Ismail Qemajlit në Vlorë e shpalljes së pavarësisë së në prag të luftërave Ballkanike dhe 28 Nëntori është data e Adem Jasharit në Prekaz dhe e kryengritjes së Ushtrisë Çlirimtare të Kosovës për liri, pavarësi dhe bashkim”, tha Kurti.

Ai ka shtuar se shqiptarët janë komb liridashës.

”Sot kujtojmë të arriturat dhe sukseset, sot kujtojmë edhe çmimin e paguar dhe sakrificën e bërë. Është e panumërt lista e personaliteteve dhe figurave historike që i lidh 28 nëntori, lista e atyre grave dhe burrave që u vetmohuan e kontribuuan që ne të jetojmë të lirë. Republika e Shqipërisë dhe Republika e Kosovës kanë shumë histori që u vije prapa dhe shumë sfida që i presin përpara. Mirëpo me punë të pa ndalur e angazhim të pa epur dhe orientim të palëkundur evropian dhe euroatlantik bashkë do të fitojmë”, ka thënë Kurti. 

Kryeministri ka shtuar se, ne e duam kombin tonë dhe nuk e urrejmë asnjë komb tjetër.

Sot gjatë gjithë ditës janë shënuara aktivitete të shumta për nder të Pavarësisë së Shqipërisë edhe në Kosovë.

Ndërsa në ceremoninë e festimit të 110-vjetorit të pavarësisë në Vlorë, prezentë ishin edhe

presidentja e Kosovës Vjosa Osmani, kryeparlamentari Glauk Konjufca dhe kryeministri Albin Kurti.

Faik Rexhepi, preshevari protestues që i rezistoi dhunës këmbëkryq, shkrihet në bronz në Prishtinë(video)
Kryeministri Kurti priti përfaqësues politik dhe institucional nga Lugina e Preshevës për Festën e 28 Nëntorit (foto&video)
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration