Komuna e Bujanocit njoftim zyrtar: Kufizohet orari i punës në objektet hoteliere

Komuna a Bujanocit përmes një njoftimi sqaron se kufizohet orari i punës në objektet hoteliere

Ky është njoftimi zyrtar i komunës së Bujanocit i publikuar në facebook:

Lajmërim:

Kufizohet orari i punës së objekteve hoteliere deri në ora 23.00 Shtabi për situata të jashtëzakonshme i Komunës së Bujanocit i njofton qytetarët, se shtabi i krizave në Republikën e Serbisë për mbrojtjen e shëndetit të popullësisë nga sëmundja ngjitëse COVID 19, në seancën e mbajtur më 07.10.2020 ka nxjerrë vendim me të cilin kufizohet orari i punës së objekteve hoteliere deri në ora 23.00, përfshirë edhe verandat.

Kjo masë është aprovuar si pasojë e shtimit të rasteve të konfirmuara laboratorike të infeksionit me virusin korona.

Në pajtim me këtë do të ashpërsohet kontrolli i respektimit të masave të parapara.