Ombudsmani: Filiali i Fondit shëndetësor në Bujanoc të mundësojë përdorimin e gjuhës shqipe
Mbrojtësi i qytetarëve të Serbisë, Sasha Jankoviq ka bërë të ditur që shefi i Fondit Republikan për Sigurim Shëndetësor (FRSSH) për rrethin e Pçinjës në Vranjë, filiali në Bujanoc ka refuzuar t'i përgjigjet ankesës së Këshillit nacional të pakicës etnike shqiptare, e cila ishte shkruar në gjuhën dhe shkrimin shqip, por ka kërkuar që ankesa t'i dërgohet në gjuhën serbe, njofton Titulli.com.Siç thuhet ne uebfaqen zyrtare të Mbrojtësit të qytetarëve të Serbisë, gjithashtu është vërejtur që në këtë filial nuk është vendosur njoftimi për qytetarët që pjesëtarët e pakicave etnike dokumentin mbi sigurimin shëndetësor mund ta marrin edhe në gjuhën dhe shkrimin shqip, i cili është në përdorim zyrtar në territorin e komunës së Bujanocit.
Institucioni i Ombudsmanit të Serbisë ka kërkuar nga shefi i filialit të FRSSH-së në Bujanoc të mundësojë përdorimin e gjuhës dhe shkrimit shqip në këtë institucion, e gjithashtu ka kërkuar nga ai që Këshillit nacional t’i kërkojë falje me shkrim./Titulli.com/
