Beqiri: Buxheti për shkollat në komunën e Bujanocit të jetë më funksional (video)

Kryeshefi i Drejtoratit për Shërbime Publike pranë administratës komunale, Fejzi Beqiri pas takimit me drejtorat e shkollave fillore, të mesme dhe çerdhet e fëmijëve të komunës së Bujanoct është shprehur se janë të përkushtuar maksimalisht që të ketë buxhet funksional në të gjitha fushat. 

Ai theksoi se në realizimin e buxhetit të vitit 2020 në disa shkolla apo ndërmarrje publike ka pasur tejkalim. 

Beqiri tha se gjatë takimit u pajtuan që shkollat në afat sa më të shkurtër të sjellin propozimet për buxhetin e shkolla që drejtojnë në mënyrë që planifikimi I buxhetit për vitin 2021 të jetë sa më efikas. 

Sipas tij në përfundim të kësaj jave të paguhen shpenzimet e rrugës për të gjithë punonjësit e shkollave në komunën e Bujanocit./Titulli.com/