Microsoft prezanton përmirësime me inteligjencë artificiale në Windows 11
Microsoft ka prezantuar një sërë përmirësimesh të bazuara në AI për Windows 11, përfshirë aktivizimin me zë në PC-të me Windows 11 dhe funksione të reja eksperimentale të inteligjencës artificiale.
Përditësimet e asistentit Copilot synojnë thjeshtimin e ndërveprimit të përdoruesit dhe automatizimin e detyrave të përditshme.
Përdoruesit tani mund ta aktivizojnë Copilot me komandën zanore “Hey Copilot” në çdo PC me Windows 11 përmes një funksioni të ri regjistrimi.
Një tjetër veçori e re, Copilot Vision, mund të analizojë atë që shfaqet në ekran dhe t’u përgjigjet pyetjeve, dhe do të lançohet në të gjitha tregjet ku Copilot është i disponueshëm.
Microsoft njoftoi gjithashtu se, “së bashku me Copilot Labs, po sjellim edhe më shumë funksione eksperimentale të AI-së dhe agjentëve për Windows Insiders”.
Ndër përmirësimet është një zgjerim eksperimental i Copilot Actions përtej shfletuesit, duke mundësuar veprime të kufizuara në skedarët lokalë të Windows për Windows Insiders. Copilot Action për uebin u njoftua më parë në maj dhe i lejon asistentit të AI-së të kryejë detyra reale si prenotimi i restoranteve apo porositja e ushqimeve.
Yusuf Mehdi, drejtor i marketingut për produktet e konsumit, e përshkroi këtë veprim si një ndryshim të rëndësishëm.
“Ne besojmë se jemi në prag të një evolucioni të ri, ku inteligjenca artificiale nuk kufizohet vetëm te chatbot-et, por integrohet pa probleme në miliona përvoja me të cilat njerëzit angazhohen çdo ditë”, shtoi ai.
