Lokale
100 shtëpi në Luginë, e para mbulohet
Aksioni i ndërmarrë nga Fondi Humanitar i Kosovës Lindore (FHKL) me seli në Zvicër, për ndërtimin e 100 shtëpive në Luginë po jep rezultatet e para
Në fshatin Raincë të komunës së Preshevës tashmë i është vënë kulmi shtëpisë së parë, ndërsa në kuadër të këtij aksioni edhe dy shtëpi të tjera kanë filluar të ndërtohen, ajo në Norçë të Preshevës dhe në Tërnoc të Bujanocit, raporton Titulli.
[caption id="attachment_115126" align="aligncenter" width="640"]
Shtëpia e familjes Florim Salihut, Raincë[/caption]
Shtëpia e mbuluar në Raincë është e familjes gjashtë anëtarëshe të Florim Salihut.
FHKL deri në këtë moment ka mbledhur mjete për ndërtimin e 30 shtëpive, 15 në komunë të Preshevës, 13 në atë të Bujanocit si dhe 2 në komunë të Medvegjës, mjete të cilat janë dhënë nga humanistë shqiptar nga Diaspora, Lugina e Kosova.
Udhëheqësia e Fondit Humanitar të Kosovës Lindore me qëllim vazhdimin e ndihmesës së qytetarëve shqiptar të këtyre trevave, gjatë javës së kaluar ka qëndruar edhe në Mynih (München) të Gjermanisë, ku është takuar me bashkatdhetarët dhe ka shpalosur aksionin e ndërmarrë për ndërtimin 100 shtëpive në Luginë.
[caption id="attachment_115127" align="aligncenter" width="640"]
Udhëheqësia e FHKL gjatë takimit me bashkëatdhetarët në Mynih të Gjermanisë[/caption]
Në këtë takim është marrë edhe iniciativa për formimin e Këshillit nga Fondi i cili do të angazhohej për të ndihmuar në aksionin bamirës./Titulli.com/
Mund ti tregoni shoqërisë për këtë artikull!
