Rama nuk pranon leksione nga Kurti për Ballkanin e Hapur (video)
Rajoni dhe Politika

Rama nuk pranon leksione nga Kurti për Ballkanin e Hapur (video)

17.Sep.2021 08:06
0

Udhëheqin dy shtete me lidhje vëllazërore mes vete, por për Ballkanin e Hapur qëndrojnë në dy pole të kundërta të mendimit.

Për më tepër, kryeministri i Shqipërisë, Edi Rama, shprehet se nuk pranon mësime nga homologu i tij kosovar, Albin Kurti.

“Shqipërisë nuk i jepen leksione”, tha ai të enjten para deputetëve në Kuvendin e Shqipërisë, njofton Klan Kosova.

Shqipëria tashmë është pjesë e nismës rajonale, bashkë me Maqedoninë e Veriut dhe Serbinë. Në anën tjetër, qeveria në Prishtinë është kategorike kundër saj, sikurse edhe Mali i Zi e Bosnja.

Të enjten, gjatë fjalimit të gjatë 1 orë e 21 minuta ku shpalosi programin qeverisë, Rama ndau kohë për të shpjeguar se Open Balkan nuk e pengon asnjë proces tjetër të integrimit evropian.

Ndërsa tha se është shpallur pa të drejtë armik i kombit, në të dy anët e kufirit.

“Nëse nuk i pëlqejnë, bujrum, t’i diskutojmë vëllazërisht, por jo t’i shpallim si tradhtar, ruso-kinez, si filoserb apo nostalgjiko-jugosllav aa që mendojnë ndryshe”, deklaroi Rama.

Krejt kjo situatë, sipas politikanit që po fillon mandatin e tretë si kryeministër i Shqipërisë, i dëmton dy shtetet në skenën ndërkombëtare.

“Me luftën elektorale këtu dhe atje, t’i humbasë në paqe, si një ruletë kazinoje politike, të gjitha kreditet ndërkombëtare, që janë fituar me djersë, me gjak, me mund të madh diplomatik”, tha ai.

Veç kësaj teme, Rama shpalosi edhe veprimet që do t’i ndërmarrë në katër vjetët e ardhshme. Sipas tij, qeveria e tij ka dy fronte kryesore, aktualisht. Ato janë rimëkëmbja nga pasojat e tërmetit dhe ballafaqimi me pandeminë COVID-19.

Tensione në Kuvendin e Preshevës: Shqiprim Arifi fyen, shkul mikrofonin dhe hedh ujë (video)
Preshevë: Salihu i përgjigjet stuhisë opozitare të Shqiprim Arifit
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration