Puna brenda aeroportit të Cyrihut, ku udhëtojnë mbi 30 milionë udhëtarë brenda vitit (video)
Rajoni dhe Politika

Puna brenda aeroportit të Cyrihut, ku udhëtojnë mbi 30 milionë udhëtarë brenda vitit (video)

16.May.2019 07:10
0

Aeroporti i Cyrihut është një nga më të mëdhenjtë në botë dhe njëri ndër më të frekuentuarit në botë.

“Swissinfo” tregon se si është të punosh brenda këtij aeroporti. Ekuipazhi është gjithmonë në gjendje gatishmërie, si për uljet, ashtu edhe për ngritjet e aeroplanëve në këtë aeroport, përcjell albinfo.ch.

Punëtorët janë të gatshëm për çdo kohë, duke përfshirë edhe kur mbretëron moti i ligë.

Në temperatura të larta, ajri është më i hollë. Për t’u ngjitur sa më shpejt që të jetë e mundur, avioni duhet të jetë më i lehtë kur temperaturat janë të larta. Kjo do të thotë se më pak mallra ose bagazhe mund të transportohen në aeroplan për shkaqe sigurie, prandaj nuk garantohet që të gjitha bagazhet të transportohen në një fluturim të caktuar dhe ndonjëherë do të dërgohen me një tjetër.

Mbi 30 milionë pasagjerë përdorin Aeroportin e Cyrihut çdo vit dhe në vitin 2018, u raportua se kanë humbur 38,000 bagazhe, përcjell tutje albinfo.ch.

Në të njëjtin vit, u raportuan vetëm katër çanta të gabuara për 1000 pasagjerë. Rreth 98% e të gjitha bagazheve të humbura mund të gjenden brenda 24 orëve.

31,113,488 pasagjerë udhëtuan përmes aeroportit të Cyrihut në vitin 2018, një rritje vjetore prej 5.8%.

Aeroporti i Cyrihut siguron fluturime direkte në 206 destinacione brenda 68 vendeve në nivel ndërkombëtar.

Aeroporti i Cyrihut mori ‘Çmimin e Udhëtimit Botëror’ (2018), nga ekspertët e industrisë së udhëtimit dhe udhëtarët nga e gjithë bota.

A do të pensionohet Casillas, tregon Presidenti i Portos
Lennon: Askush nuk na i tregon të gjitha, duhet t’i mësojmë vet!
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration