Librat e ndaluar… Kur Kadare, Kamy e Kafka lexoheshin fshehtas
Kulturë

Librat e ndaluar… Kur Kadare, Kamy e Kafka lexoheshin fshehtas

06.Mar.2020 10:33
0

Autorë që ndaloheshin, pushkatoheshin apo edhe të huaj që papritur bëheshin “Armiq të Popullit”, libra që dorëzoheshin dhe që kyçeshin në fondet e bibliotekave, disa të tjera që digjeshin. Ky nuk është realiteti i vetëm i atyre kohëve kur molla e ndaluar provohej.

Jeta e fshehtë e atyre që jetonin në Bllok, e atyre që mundën të fshehnin në anën përtej të raftit të bibliotekës libra të ndaluar për t’i lexuar fshehurazi është ana tjetër e monedhës.

 

Sot, më të lirë për të lexuar, një brez i etur për letërsinë, dikur shkëmbente edhe fshehurazi prindërve librin e radhës, atë që do të duhet ta lexonte brenda natës, sepse një tjetri i ishte premtuar.

 

Por sa e vështirë ishte asokohe të ishe një mendje e lirë, por edhe e besueshme për pushtetin, ndërsa miqve t’iu besoje veprën e ndaluar?

Milena Selimi nuk kishte libra të ndaluar në bibliotekë, por kishe miq që ia besonin asaj edhe “Të Huajin” e Kamy-së, që atë kohë padiskutim ishte shumë ekzistencialist e absurd për realitetin.

Ndërsa Milena, sot zëri zyrtar i ambienteve të kulturës në Kryeministri, kërkonte asokohe libra të ndaluar nga raftet e lakmuara të miqve të saj, pedagogia dhe studiuesja Persida Asllani rrëfen se ka shpërndarë libra të tillë, sigurisht në fshehtësi. Askush nuk duhet ta dinte që në shtëpinë e saj kishte libra të ndaluar.

Shumë prej këtyre librave i gjeni sot në Bibliotekën Kombëtare, madje edhe në një ekspozitë jehonë për atë kohë të vështirë për librin.

Po sot, pas një periudhe gati 30-vjeçare lirie, sa lexojnë shqiptarët, apo statusi i ndaluar ishte magjia e librit?

 

 

 

 
Tani ju mund të aktivizoni Dark Mode në WhatsApp
Ndikimi i stresit në thinjen e flokëve
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration