"Hate Fighters", me art kundër dhunës (Foto)
Në Bujanoc ka filluar implementimi i projektit "Hate Fighters" nga organizata joqeveritare "KOM 18" nga Nishi me punëtori për foto-strip dhe vallëzim.Në kuadër të projektit “Hate Fighters”, kjo organizatë ka nisur me implementimin e projektit, duke realizuar të shtunën edhe punëtorinë e parë.
Koordinatori për Bujanoc, Gëzim Murati, i ka thënë Titullit se ditëve në vazhdim do të mbahen edhe aktivitete tjera në kuadër të këtij projekti i cili financohet nga Ambasada e Holandës.
“Hate Fighters” si qëllim kryesor ka edukimin e të rinjve kundër gjuhës së urrejtjes edhe përmes artit, masave juridike dhe aktivizimit online.
Këto aktivitete, në tre shtete, Serbi, Turqi dhe Maqeodni udhëhiqen nga organizatat “KOM 18”, “IDYES” dhe “SPPMD”.
Deri vitin e kaluar ky program është realizuar në qytete të ndryshme të Serbisë, ndërsa nga viti i ri ka filluar të implementohet edhe në Bujanoc. /Titulli.com/
