Arifi përgjigjet: Merruni me punët tuaja, fitoni ndonjë këshilltarë (foto & video)
Lokale

Arifi përgjigjet: Merruni me punët tuaja, fitoni ndonjë këshilltarë (foto & video)

21.Oct.2014 23:20
0

Në tubimin e listës “Partia Demokratik – Dr.Sc. Nagip Arifi”, i mbajtur në Bilaç, përveç shpalosjes së programit, janë regjistruar edhe porositë kundrejt rivalëve që po garojnë në Zgjedhjet për Këshillë të pakicave shqiptare.

Kryetari i Partisë Demokratike (PD) me seli në Bujanoc, Nagip Arifi, në mbrëmjen e së martës, porositi rivalët që të merren me punët e tyre dhe të mos sulmojnë. 

“Nuk do të flasë për investimet, pasi rivalët tanë pasandej po humbin kohë duke më sulmuar. Kështu që, kjo kohë që i ka mbet, më mirë le të merren me punën e vet që të afrohen deri dikund për të marrë ndonjë këshilltar në Këshillin Nacional, sepse janë në largim e sipër”, tha Arifi. 

“Ne të gjithë së bashku do të festojmë fitoren më 27 tetor, jam i bindur se ne do të jemi fitues, pasi ne asnjëherë nuk kemi dështuar. Jo rastësisht po e mbajmë numrin 1. Të jesh i pari nuk është lehtë, por të jesh me të parin është krenari”, u shpreh mes tjerash kryetari Arifi. 

Kandidati për këshilltarë në Kuvendin e Këshillit Kombëtar, Edmond Isufi, i tha masës, nëse doni një Këshillë më kombëtar se kurrë, atëherë votoni Partinë Demokratike.

“Duhet të vazhdojmë punën tonë, mos t’i dëgjojmë rivalët tanë sepse unë e di se ata kanë siklet, e di që kanë mundi, po nuk e di cili është ilaçi më i mirë, seriozisht unë nuk kam ilaç për ta, vetëm i kisha preferu të pinë një gotë ujë, të freskohen dhe pas 26 tetorit ndoshta i kalon”, u shpreh Isufi.

Bejzad Abdullahu nga Partia Demokratike, e veçoi problemin e arsimit, duke e konsideruar me një rëndësi të veçantë, pasi arsimi është e ardhmja e kombit.

“Presim që Këshilli Nacional t’i japë një prioritet arsimit, pasi Këshilli i deritanishëm njëpartiak është përzier në punët e pushteti lokal, në punët e zgjedhjes së drejtorëve”, tha profesori Bejzad Abdullahu.

Gjatë tubimit të sontëm fjalën e mori edhe Rahim Rahimi, kandidatë për këshilltarë i PD-së nga Bilaçi si dhe Emsale Jahiji, kandidate nga fshati Samolicë.

Lista “Partia Demokratike – Dr.Sc. Nagip Arifi” ditën e mërkurë, fushatën parazgjedhore do ta vazhdojë në fshatin Tërnoc, me tubimi që do të fillojë në orën 19:00.

Po këtë ditë, me fillim në orën 16:00 simpatizantët e PD-së do të jenë pjesë e tubimit përmbyllës të partnerit të koalicionit, Bashkimit Demokratik të Luginës, i cili do të mbahet në sallën e Kuvendit Komunal në Preshevë./Titulli.com/

 

Program parazgjedhor

Kamberi: Ata që po thonë fol shqip, po investojnë serbisht në Bujanoc (video)
Bujanoc: Koalicionet e shpifura parazgjedhore
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration