The Guardian: Xhaka e Shaqiri me festime sjellin politikën në Botëror

Nga Redaksia 23.06.2018 11:08

Gazeta prestigjioze “The Guardian” ka kritikuar Granit Xhakën dhe Xherdan Shaqirin për festimet e tyre me shqiponjë.

Kjo gazetë, një ditë pas ndeshjes të cilën Zvicra e fitoi 2 me 1 kundër Serbisë, ka shkruar se dy shqiptarët kanë rrezikuar në ngritjen e tensioneve politike në Ballkan kur përdorën simbolin kombëtar të Shqipërisë për të festuar golat kundër Serbisë.

“Dyshja, të dy shqiptarë, por të rritur në Zvicër, kthyen rezultatin pasi Serbia kishte epërsinë me golin e Aleksandar Mitroviq të shënuar në fillim të pjesës së parë”, shkruan The Guardian.

“Të dy hapën duart për të bërë atë që njihet si shqiponjë me dy krerë të paraqitur në flamurin e Shqipërisë. Gjesti i tyre me gjasë do të rrisë tensionet mes nacionalistëve serbë dhe shqiptarëve”, shkruan gazeta e njohur britanike.

“Shaqiri ka lindur në Kosovë, ish-provincë e Serbisë që deklaroi pavarësinë në vitin 2008. Serbia nuk njeh pavarësinë e Kosovës dhe marrëdhëniet mes dy shteteve mbesin të tensionuara. Prindërit e Xhakës vijnë nga Kosova. Babai i mesfushorit të Arsenalit ishte burgosur në ish-Jugosllavi për protesta në favor të pavarësisë së Kosovës”, shkruan “The Guardian” për prejardhjen e dy lojtarëve shqiptarë.

Shaqiri që luan për Stoke Cityn, pas ndeshjes tha se “ishte vetëm emocion” kur është pyetur për mënyrën e festimit të golit, transmeton Koha.net.

“Mendoj se në futboll gjithmonë keni emocione. E shihni çfarë kam bërë dhe ishte vetëm emocion. Jam i lumtur që realizova. Nuk ka asgjë më shumë. Nuk duhet të flasim për këtë tani”, ka thënë Shaqiri.

Trajneri i Zvicrës, Vladimir Petkoviq ka bërë thirrje që politika të mos përzihet në futboll dhe ka porositur se duhet të përqendrohen në futboll që i bën bashkë njerëzit, transmeton Koha.net.

“Kurrë nuk duhet ta përzieni politikën dhe futbollin. Është e qartë se u shfaqën emocionet dhe ndodhin këto gjëra. Mendoj se të gjithë duhet të largohemi nga politika në futboll dhe të përqendrohemi në sportin e bukur që bën bashkë njerëzit”, ka thënë Petkoviq.

Gjatë ndeshjes ka pasur shkëmbime bisedash mes Mitroviqit dhe Shaqirin që bartë flamurin e Kosovës në këpucë. Sulmuesi serb para ndeshjes kishte thënë se “nëse ai e do Kosovën dhe vendosi të ketë flamurin, përse refuzoi të luante për përfaqësuesen e tyre”.

Pas ndeshjes, trajneri i Serbisë, Mladen Krstajiq nuk donte të përfshihej në këtë debat duke thënë se nuk kishte koment.

“Nuk merrem me këto gjëra. Jam njeri i sportit dhe këtu do të qëndroj. Nuk kam koment”, ka thënë ai.

 

Nga Redaksia 23.06.2018 11:08
Shkruaj Koment

Asnjë koment

Ende nuk ka komente!

Më lejoni tju them një histori të trishtuar! Ende nuk ka komente, por mund të jeni i pari që e komentoni këtë artikull.

Shkruaj një koment
Shiko të gjitha komentet

Shkruaj Koment

Hyrje

Fushat e patjetërsuara janë të shënuara me *

Nëse nuk jeni të regjistruar, atëherë klikoni Regjistro!

Para se të dërgoni komentin Tuaj ju lutemi që t’i përmbaheni rregullave të mëposhtme:

Mendimet e shprehura në komente janë opinione private të autorëve të komentit dhe nuk pasqyrojnë pikëpamjet e redaksisë së portalit informativ Titulli.

Gjithashtu lusim lexuesit e portalit Titulli që gjatë shkruarjes së komentit t’i përmbahen drejtshkrimit.

Redaksia mbanë të drejtën e mos aprovimit të komenteve me përmbajtje fyese, që janë vulgare, kërcënuese, raciste si dhe ato të cilat bëjnë thirrje në urrejtje etnike dhe nuk kontribuojnë në komunikim normal mes lexuesve të këtij portali.

Komentet që nuk kanë të bëjnë me temën dhe kanë përmbajtje të papërshtatshme rreth jetës private të personit në artikull, apo fyerje në autorët e tekstit si dhe anëtarët e redaksisë, nuk do të aprovohen.

Vërejtje: Për të dërguar komentin së pari duhet të regjistroheni me emrin (pseudonimin), me të cilin pas aprovimit nga redaksia, këtë emër unik (pseudonim) mund ta shfrytëzoni për dhënien e opinionit tuaj në hapësirën për komentim.