PVD lëshon seancën e kuvendin komunal në Preshevë, po përdoret fjalor rrugaçësh
Këshilltarët e Partisë për Veprim Demokratik kanë lëshuar punimet e seancës së kuvendi komunal të komunës së Preshevë me arsyetimin se është denigruar ky institucione me fjalorin e përdorur.Ky është reagimi i plotë PVD-së në Preshevë:
Pas degradimit të seancës së Kuvendit Komunal nga ana e kryetarit të komunës, duke keqpërdorur foltoren me fjalor denigrues dhe rrugaçëror, grupi i këshilltarëve të Partisë për Veprim Demokratik ka vendosur që të lëshoj seancën.
Vlen të theksohet se gjithë kësaj situate gjatë tërë kohës i ka kontribuar kryetari i Kuvendit si përgjegjësi kryesor për mbarëvajtjen e seancave të Kuvendit Komunal të Preshevës. Ishte pikërisht kryetari i Kuvendit që nuk ndërpreu fjalimin e kryetarit të komunës i cili përdori fjalët më fyese për këshilltarët e opozitës e sidomos fyerjet ndaj këshilltarit Skender Destani.
Grupi i këshilltarëve të PVD-së kërkon publikisht nga kryetari i Kuvendit që të kujdeset që kultura dhe gjuha e rrugës të mos bëhet traditë e fjalimeve në Kuvend.
Preshevë, 15.05.2018
Këshilli për Informim i Partisë për Veprim Demokratik
