Konkurs për zjarrfikës, 5 vende për Preshevë, Bujanoc dhe Medvegjë

Në mënyrë që kandidati të kaloj në konkurs, duhet në mes të tjerash të ketë në mes 19 dhe 30 vjet, të ketë të mbaruar shkollën e mesme dhe kategorinë  “C” të lejes së vozitjes, konkursi është shpallur më 11 gusht dhe zgjatë 30 ditë  është njoftuar nga MPB-ës.

Kandidatët duhet të dorëzojnë paraqitjet për konkurs në stacionin e policisë në të cilin e kanë vendbanimin.

Në mënyrë që të paraqiteni në konkurs duhet të plotësoni kushtet e caktuara, të jeni shtetas të Republikës së Serbisë, përkatësisht të keni vendbanim në territorin e Serbisë më së paku prej katër vjet e gjysmë.

Kandidatët duhen të kenë vendbanim më së paku një vit në territorin e njësisë së organizuar për të cilën shpallet konkursi, deri në ditën e përfundimit të konkursit.

Nuk guxojnë që të ekzistojnë pengesa të sigurisë për themelimin e marrëdhënies së punës në MPB, ndërsa duhet të plotësohen edhe kushtet e posaçme të cilat i përkasin shëndetit, aftësisë psiko-fizik dhe themelore motorike.

Pas dorëzimit të dokumenteve, thuhet në njoftimin e MPB-së do të kryhet selektimi i kandidatëve sipas përmbushjes së kritereve të cilat varen nga kontrollimi mjekësor, vërtetimi i aftësive psikologjike dhe motorike, por edhe intervista e cila do të realizohet me secilin kandidatë në vete.

Trajnimi profesional i kandidatëve të zgjedhur do të zgjasë 17 javë pune ndërsa zjarrfikësit e trajnuar do të renditen në departamentin për zjarr dhe shpëtim në 46 komunat në Serbi.