KDNJ me "vërejtje" ndaj MKI
Këshilli për të Drejtat e Njeriut, gjatë mbrëmjes së sontme (e enjëte), në sheshin e qytetit të Bujanocit, ka zhvilluar një aksion, ku qytetarë ë shumtë kanë shkruar mesazhe të ndryshme në kartolinat e përgaditurë në kuadër të projektit "Forcimi i stabilitetit në jug të Serbisë, nëpërmjet integrimit të pakicës shqiptare".Kartolinat, iu janë drejtur Ministrisë së kulturës dhe informimit të Republikës së Serbisë, në të cilët qytetarët kanë shkruar mesazhe të ndryshme, sugjerime dhe propozime, rreth realzimit të së drejtave të pakicës në kulturë dhe informim publik.
Qytetarët në numër të lartë, kanë shprehur mosknaqësi rreth mungesës së aktiviteteve kulturore në gjuhën shqipe dhe rome. Gjithashtu, qytetarët kanë potencuar edhe mungesën e informimit në mediat shtetore në gjuhën e tyre amtare të pakicës shqiptare.
Ky aktivitet i sotëm është realizuar në kuadër të projektit “Forcimi i stabilitetit në jug të Serbisë, nëpërmjet integrimit të pakicës shqiptare”, ku mbështet nga Ministria Federale për Punë të Jashtme të Zvicrrës dhe Fondacioni për Shoqëri të Hapur. /Titulli.com/
