Medvegja kërkon 10 milion dinarë nga Qeveria për kompensimin e dëmeve
Kryetari i komunës së Medvegjës, Sllobodan Drashkoviq është takuar në Beograd me përfaqësuesit e Trupit Koordinues për komunat Preshevë, Bujanoc dhe Medvegjë me të cilët ka biseduar për kompensimin e dëmeve ndaj qytetarëve që u janë shkaktuar gjatë përmbytjeve të fundit në Medvegjë.Sipas fjalëve të kryetarit Drashkoviq, Qeverisë i është dorëzuar kërkesa me dokumentacionin përkatës dhe mbetet të shihet se a do të transferohen mjetet nëpërmes Trupit Koordinues apo drejtpërdrejt komunës, raporton mepress.
Shuma e përgjithshme e mjeteve të kërkuara është 10 milion dinarë, prej të cilave vetëm për sanimin e shtëpive të dëmtuara kërkohen 1.6 milion dinarë. /Titulli.com/
