Nga e majta: Hydajete Hyseni, Ardita Sinani dhe Nezaqete Isahu

Konstituohet Kuvendi Komunal në Preshevë (foto)

Këshilltarët votuan për Ardita Sinani, kryetare e Kuvendit, Nezaqete  Isahu zëvendës/kryetare dhe dhe Hydajete Hyseni sekretare e kuvendit komunal, shkruan Titulli.com.

“Unë si kryetare ju falënderojë të gjithëve që më dhatë besimin për të udhëhequr këtë proces demokratik. Posti nuk është privilegj, por përgjegjësi dhe do të përpiqem që duke respektuar të gjithë të bëjë punën në mënyrë më të mirë të mundshme", theksoi kryetarja e porsazgjedhur e kuvendit komunal në Preshevë, Ardita Sinani.

Nezaqete Isahu është zgjedhur zëvendëse/kryetare e kuvendit komunal të Preshevës dhe ka përshëndetur  të gjitha ata që kanë përkrahur duke besuar se do të mbajë përgjegjësi për punën e kuvendit.

Masën e ka përshëndetur edhe sekretarja e kuvendit, Hydajete Hyseni e cila është shprehur se do të kërkoj pozitivitet në këtë punë.

“Detyrën e pranova me shumë përgjegjësi , do të mundohem ti përkushtohem profesionalizmit do të jemi e hapur me të gjithë”, theksoi Hyseni.

Gjatë ditës pritet të mbahet edhe seanca e parë e rregullt dhe do të bëhet zgjedhja e kryetarit të komunës së Preshevës./Titulli.com/