PPS-Medvegjë: Ne nuk jemi organizatorë të tekstit, "...Drashkoviq ka festuar Adem Jasharin"

Këshilli komunal i Partisë Përparimtare Serbe (PPS) në Medvegjë nëpërmes një komunikate bën të ditur se nga mediat publike sikurse edhe qytetarët është njoftuar se në tubimin e shqiptarëve nga mërgata nga kjo komunë që është mbajtur në Banjë të Sjarinës me 9 gusht në të cilin ishte i pranishëm edhe kryetari i komunës së Medvegjës Sllobodan Drashkoviq, gjatë programit është “madhëruar lufta e Shqiptarëve për liri në Kosovë”, “personazhi i Adem Jasharit” etj.

Sllobodan Drashkoviq

"Duke marrë parasysh se bëhet fjalë për temën e hapur publikisht e cila ka të bëjë me Medvegjën dhe politikën në këtë komunë dikush nga vizitorët në profilin e facebook-ut të kësaj partie ka postuar tekstin e marrur nga mediat elektronike", shkruan në komunikatë.

Më tej, KK i Partisë Përparimtare Serbe në Medvegjë demanton siç thuhet "pohimet e Sllobodan Drashkoviqit" se janë organizatorë të tekstit në fjalë, transmeton mepress.

Në komunikatë ndër të tjera shkruan se a është festuar Adem Jashari në këtë takim dhe a është bërë diçka në kundërshtim me ligjet e Republikës së Serbisë “ne këtë nuk e dimë dhe këtë ia lëmë organeve kompetente”.

PPS thekson se angazhohet për respektimin e të drejtave të komunitetit shqiptar në Medvegjë dhe se me përfaqësuesit politikë të shqiptarëve ka kontakte korrekte politike të bazuara në respekt të ndërsjelltë./Titulli.com/