Në Bujanoc vetëm një privatizim i suksesshëm i ndërmarrjeve publike

Ai për gazetën blic ka thënë se  se përshkak të shtyrjes së privatizimit harrohet brendi i ndërmarrjeve shoqërore nga Bujanoci, të cilat dikur ishin shumë të njohura, humbet tregu dhe hapi për konkurrencë, kështu që shanset janë gjithnjë e më të vogla që edhe pas privatizimit këto ndërmarrje të rimëkëmben.

“Vitin e kaluar NP “Proleqe”, dy herë ka shkuar në ankand, kanë qenë 11 blerës të interesuar, mirëpo dy herë ankandi është ndaluar, ndërsa shtija në ankand është tërhequr. Për Banjën e Bujanocit gjithashtu vitin e kaluar ka qenë e hapur ftesa e cila është tërhequr edhe pse janë paraqitur dy blerës potencial”, ka thënë Beluli.

Sipas tij në mes firmave për të cilat procesi i privatizimit asesi nuk kryhet janë edhe “Jugokopi”, “Gumoplastika”, “Svetlosti”, “Feldspati”, dhe dy fabrikat e “Simpos”.

“Edhe fabrika e ujit mineral dhe langjeve “Bivoda”, ka qenë në procedurën e privatizimit dhe është tërhequr, si dhe Industria e Duhanit në Bujanoc, për të cilën në momentin e fundit janë ndryshuar kushtet e shitjes dhe kështu privatizimi është pezulluar”, ka thënë ai.

Beluli ka thënë se për njërin privatizim të suksesshëm në komunën e Bujanocit, kompanisë “Heba”, të cilën e ka blerë “Nektari”, nga Baçka Pallanka, ekzistojnë mendime të ndara edhe pse fabrika e ujit mineral dhe lëngjeve  punon me sukses, numri i punësuarve është zvogëluar konsiderueshëm.

Blerësi i ri ka modernizuar prodhimin dhe kështu ka ardhur deri tek teprica e fuqisë punëtore, duke i paguar disa punëtorëve programin social, disa kanë shkuar në pension dhe disa kanë marrë pagesën e shkëputjes.