Shqipëria publikon listën, luginasi i dytë kundër Danimarkës dhe Portugalisë

Selektori i Shqipërisë, Gianni de Biasi ka publikuar listën e futbollistëve të ftuar për dy ballafaqimet e ardhshme.

Siç shihet në listën e mëposhtme, ndonëse mungon tërnocasi Arbnor Fejzullahu, debutimin e të cilit e pamë në ndeshjen ndaj Francës, për dy ndeshjet e radhës nga Lugina për Shqipërinë do të luajë tërnocasi Berat Xhimshiti, transmeton Titulli.com.

Mbrojtësi i ri nga Tërnoci i Komunës së Bujanocit, është pajisur me pasaportë shqiptare dhe do të jetë pjesë e skuadrës së Gianni De Biasit për dy ndeshjet e radhës që Kombëtarja shqiptare do t'i zhvilloj, në muajin shtator ndaj Danimarkës dhe Portugalisë në 'Elbasan Arena'.

22 vjeçari Berat Xhimshiti është rritur në Zvicër. Ai ka kaluar tërë karrierën te klubi e Cyrihut (FCZ). Ka luajtur disa ndeshje edhe për U-21 të Zvicrës. /Titulli.com/