I riu nga Bujanoci i jep fund jetës duke u hedhur nën tren

Të mërkurën rreth orës 11h, i riu Millosh J. (27), ka kërcyer nën trenin që ishte në lëvizje, në afërsi të stacionit hekurudhor në Bujanoc.

Siç i është konfirmuar OK Radios nga administrata Policore në Vranjë, i riu, pas lëndimeve që ka marrë ka ndërruar jetë në Spitalin e Vranjës.

Detaje të tjera policia nuk ka dhënë, pasi bëhet fjalë për vetëvrasje.

“Rasti në administratën e Policisë është paraqitur rreth orës 11h. Oficerët tanë kanë dalë në vendin e ngjarjes dhe kanë vërtetuar se bëhet fjalë për vetëvrasje. Në raste të tilla policia nuk bënë hetime”, thuhet në policinë e Vranjës.

Zyrtarja për marrëdhënie me publikun në Qendrën Shëndetësore në Vranjë, Beba Kanaçki, ka thënë se mjekët kanë luftuar për jetën Millosh J., mirëpo ai pas disa orëve ka ndërruar jetë si pasojë e plagëve të marra./Titulli.com/