Do t'i pranojmë këshillat e OSBE-së për media
Kryeministri i Serbisë Aleksandar Vuçiq ka deklaruar të premten, në bisedime me përfaqësuesen e OSBE-së për liri të mediave Dunja Mijatoviq, se qëllimi i Qeverisë është ngritja e nivelit të lirisë së medias sikurse në të gjitha vendet e Evropës Perëndimore dhe është shprehur i gatshëm të pranoj këshillat dhe rekomandimet e OSBE-së për përmirësimin e gjendjes në media.“Qeveria e Serbisë ka sjell një seri të ligjeve me qëllim të forcimit të lirisë dhe pavarësisë së mediave, që ishte një prej prioriteteve të kësaj Qeverie me rastin e formimit të sas”, ka thënë Vuçiq, ndërsa theksohet në kumtesën e lëshuar pas takimit, raporton agjencia Beta, transmeton Titulli.com.
Tema e takimit ishte respektimi i lirisë së mediave, mbrojtja e lirisë së gazetarëve si dhe mbrojtja e lirisë së shprehjes në përgjithësi.
Përfaqësuesja e OSBE-së Dunja Mijatoviq është shprehur e kënaqur me përkrahjen që ka gjatë mandatit të presidencës së Serbisë me OSBE-në, dhe ka nënvizuar se bashkëpunimi dhe komunikimi me Qeverinë e Serbisë është në nivel të lartë. /Titulli.com/
