Viktima e sulmit me thikë në Zvicër u varros të mërkurën në Preshevë
49 vjeçari Xhevat Ibrahimi nga fshati Tërrnavë i Komunës së Preshevës sot është përcjell për në banesën e fundit në varrezat e fshatit. Varrimi u bë pas namazit të iqindisë.Qindra qytetarë të mërkurën i dhanë përshëndetjen e fundit të ndjerit Xhevat Ibrahimi, i cili të dielën tragjikisht humbi jetën në Zvicër.
Banorë nga Tërrnava si dhe vendbanime tjera, morën pjesë në ceremoninë mortore së bashku me familjarë, miq e dashamirë, raporton Titulli.com.
I ndjeri Xhevat Ibrahimi ndërroi jetë të dielën në Heiden, kantoni i Appenzell Ausserrhoden, pasi ishte therrur me thikë nga një shqiptarë i Kosovës.
Ngjarja e dhunshme ka ndodhur pas një konflikti në mes të dy grupeve
Kosovari 52 vjeçar I.D. kishte nxjerrë thikën dhe ka qëlluar 49 vjeçarin nga Presheva.
Plagët e shkaktuara me thikë kanë qenë fatale për viktimën i cili ka vdekur në spital.
Policia zvicerane konsideron se shkas i fillimit të zënkës ka qenë një ndeshje futbolli që ishte zhvilluar më herët dhe se problemet kishin filluar mes djemve të sulmuesit dhe viktimës duke shkaktuar zënkën e cila është përshkallëzuar me vrasje.
I ndjeri Xhevat Ibrahimi me familje jetonte dhe vepronte në Zvicër. /Titulli.com/
