Sërish investitorë në Vranjë, Bujanoci e Presheva të "pasuksesshëm"!
Lokale

Sërish investitorë në Vranjë, Bujanoci e Presheva të "pasuksesshëm"!

05.Mar.2015 22:03
0

Kompania ruse “Orion” gjatë vitit të ardhshëm planifikon që në Vranjë të investojë rreth nëntë milion euro.

Dokumentin rreth planifikimeve lidhur me këtë investim e kanë nënshkruar të enjten në Beograd kryetari i Vranjës Zoran Antiq, përfaqësuesit e kompanisë ruse “Orion” dhe ndërmarrja serbe “Biodom S”, njofton Ok Radio.

Me këtë memorandum parashihet ndërtimi i fabrikës për prodhimin e kaldajave të biomasës në Vranjë.

Është planifikuar që kapaciteti i kësaj fabrike të jetë 12 mijë kaldaja energjetike në vit, ndërsa vlera e përgjithshme e investimit do të jetë 8.368.000 euro

Në këtë fabrikë, sipas paralajmërimeve të tanishme do të punësohen 200 punëtorë.

Për dallim nga Vranja që po sjell investitorë të huaj dhe po hap vende të reja të punës, komunat Bujanoc dhe Preshevë deri më sot nuk kanë arritur asnjë marrëveshje me investitorë nga sektori privat që do të punësonin një numër kaq të madh të punëtorëve.

Kryetari i komunës së Bujanocit Nagip Arifi ka realizuar disa takime me biznesmen të huaj, mirëpo për dallim nga kolegu tij nga komuna fqinje e Vranjës që negociatat me investitorë të huaj po i kthen në investime dhe hapje të vendeve të punës, ato në Bujanoc po mbesin vetëm në takime për marketing në media.

Këto dy komuna Bujanoci e Presheva investimet kryesore i kanë nga buxheti komunal, mjete këto të taksapaguesve të këtij rajoni dhe Republikës së Serbisë, si dhe ato për subvencionime, që gjithashtu vijnë nga ky buxhet dhe ai i Trupit Koordinues për Preshevë, Bujanoc e Medvegjë.

Kjo situatë e rëndë ekonomike me numrin e madh të papunësisë ka qenë njëri prej faktorëve kryesor që ka nxitë shqiptarët e këtij rajoni që të marrin rrugën e migrimit drejt Evropës perëndimore. /Titulli.com/

Haziri takon Arifin, diskutohet për bashkëpunim ndërkomunal
Mustafa me delegacionin nga Presheva bënë homazhe te Jasharajt në Prekaz (Foto)
Registration Login
Sign in with social account
or
Remember Me Lost your Password?
Registration Login
Sign in with social account
or
With registration you can comment on post.
Registration Login
Registration